Atuisunut akit 1,2 pct.-imik ukiup affaata ingerlanerani qaffariarput
Ukiup affaa kingullermi januaari 2016-imiit juuli 2017-imut atuisunut akit 1,2 pct.-imik qaffariarput. Tamanna qaffariarnerpaaffiuvoq ukiuni kingullerni tallimani. Akitigut qaffariarfiit annertunerit pipput nioqqutissakkuutaani ukunani: Sunngiffik aamma piorsarsimassuseq 6,7 pct.-imik qaffalluni. Nioqqutissanissaaq ataasiakkaani akitigut appariartoqarpoq. Nioqqutissat appariarfiunerpaapput Inigisami atortut pissarsiallu -1,9 pct.,aamma Atisat isikkatigullu atukkat -1,6 pct..
Nioqqutissani immikkoortuni akitigut allannguinerit assigiinngitsumik akit qaffannerannut sunniuteqarput. Nioqqutissat immikkoortut akimut sunniuteqarnerpaat ukuupput: Sunngiffik aamma piorsarsimassuseq 0,58 procentpoint-imik akimut naleqqersuummut sunniisoq. Akitigut ammut ingerlasumik allannguuteqartoq Inigisami atortut pissarsiallu tamanna -0,04 procentpointinik akimut naleqqersuummut naleqarpoq
Ukiup ingerlanerini akitigut ineriartorneq
2016-imi juulimiit 2017-imi juulimut atuisunut akit ukiup ataatsip ingerlanerani 1,3 pct.-imik qaffappoq. Qaffariarneq ukiup siulianiit qaffasinneruvoq, 0,9 pct. allannguutaalluni.
Atuisunut akit, ukiukkaartumik pct.-inngorlugit qaffanneri
Najoqqutaq: http://bank.stat.gl/PRNPRISV Indeks (2008=100)
Akinut iluarsiissut
Akinut iluarsiissut atuisunut akip naleqqersuutaata assingajaanik qaffariarpoq. Akinut iluarsiissut januaari 2017-imiit juulii 2017-imut 1,4 pct.-imik qaffariarpoq. Assigiinngissut annerpaaq tassaavoq Sunngiffik aamma piorsarsimassuseq 6,7 pct.-imik.
Periaaseq
Atuisunut akip naleqqersuutaata ataatsimut naatsorsornerani, nioqqutissat ilaat ilaminnit naatsorsuinermi naleqqersuutaat qaffasinnerusarpoq. Nioqqutissat assigiinngitsut akiisa ineriartornerat, allatut oqaatigalugu soorlu issingiassat aaqqatillu naleqarnerisa pingaassusiat assigiinneq ajortoq. Nioqqutissat ataasiakkaat naleqqersornerat atuisunullu akip naleqqersuutaata naatsorsornera nittartagaq www.stat.gl iserfigalugu paasisaqarfigiuk.
Akit pillugit kisitsisit atorlugit nassuiaasiaq pdf-fiilitut Kalaallit Nunaanni Naatsorsueqqissaartarfiup nittartagaani paasisassarsiorfigineqarsinnaavoq, taamatuttaaq kisitsisaataasivik http://bank.stat.gl iserfigalugu. Annertunerusumik ujartuisoqassatillugu Naatsorsueqqissaartarfiup pisortaa Anders Blaabjerg abla@stat.gl saaffigineqarsinnaavoq imaluunniit oqarasuaat (toqqaannartoq) 34 57 81 saaffigalugu.